ارز بلبن لشخصين ، مع نفسى و عايزة اتجوز

حتة ليله
فتحت التليفزيون كانت الساعة عددت عشرة و نص قلت يا دوب اشوفى حاجة كده انسى بيها مرارة اليوم قبل مانام و ابدا دايرة جديدة ،،، اقلب فى القنوات من اليمين للشمال ، موفى تشانل و كام فيلم من بتوع الشباك خش على ناشيونال جيوجرافيك و الفور كاتس على روتانا هووووووووب مين الناس دى ياااااااااه من زمان مشفتش ناس حقيقية ايوة ناس حقيقية زييى و زى جارتى و صاحبتى و البنت الى بشوفها فى شركة السياحة البنات دول انا عارفاهم لا معرفهومش بس قريبين من القلب و الله منورين ،،، تنحت قدام دريم و الوصلة مخروشة وانا عندى صداع و النضارة غمضت قبل عنيه بس برده اتفرجت بسم الله ماشاء الله حاجة تفرح بنات تشرف بصحيح كل واحده فيهم اخر احترام و ادب لأ و ايه دم خفيف و روح حلوة ناس تحس انك قاعد معهم مش صورة فى تليفزيون يااه هو ده السهل الممتنع و الله انا احتقرت فنسى الله يا ولاد فيه ناس لسه حلوة و بريئه كده و مؤدبة و جميلة كده ،،، بصيتلهم و قلت الله الناس دى جوا عنيها حلم و امل و فرحة جميلة الناس دى كان عندها هدف حتى انها تصحى الصبح تشؤب مج الشاى بللبن و لا ايه يا غاده حتى ده حلم حلو غيرهم مش عارف حتى يصحى ليه اهو يصحى و السلام ، ،،،، زى واحده صاحبتنا كاتبة الكلام ده ،،، برافو يا بنات بس و النبى امانة عليكم الدنيا ما تتطفيكم ،،،،،،،

شكلى حتوه

شكلى حتوه جوا العالم ده بس حعيش
ابدأ بإيه،،،، اه كام كلمه كتبتهم من قريب من زمان مش فارقة كتير
ادى صندوقى و ادى اول كراكيبى كلمتين كتبتهم لازم احطهم جوا الصندوق ،،،

"انى الف امرأه

بالف وجه لليلة بلا قمر

و قد كنت انت القمر

كنت لى هذا المساء المهدى المنظر

هرولت اليك

ظننت انك كل البشر

فى هذا المساء

و على طاولة العشاء

كنت انت و كان القدر

انى التقيتك من الف عام

وقبلتك تحت قنديل فى الظلام

رايت عينيك فأدركت

كم أفتقد الحياه كم أفتقد المطر

منذ الف عام

غاب المطر

عشت فى مدينة بلا بيوت او شجر

لم اكن ادرى انك كل البشر

لو اننى صحت حين رأيتك

كف عينيك عنى

كف قلبك عن سرقتى

اتركنى فانا فى دنيا

أظنها حقيقتى

كف يديك عن العبث

فى الصور الملقاه

و المساحيق الزائفة فى حقيبتى

عيناك الساحرة

تجردنى من هويتى

عيناك الساحرة

اعادتنى الى بدايتى

انت حين اتيت

لم تحدثنى او احدثك

لم اعرف بماذا اناديك

يا من سلبتنى ارادتى

مر بيننا الف عام من العشق

حتى جاء مساء

غاب فيه القمر

حدثتنى عن الرحيل و الحب المستحيل

رحلت

و بقيت معى دمعتين و حبة مطر

رحل من عانقته العناق الخطر

فى ليلة من عمر غاب عنه القمر

ياااااااااااه هم وانزاح عقبال باقى الكراكيب